Xudeedi Posted October 8, 2010 Isimo ka kooban isimada beelaha gobolka Bari oo soo gaarey degmada Dhahar. Dhahar (SPR): Isimada iyo cuqaasha gobolka Bari ayaa waxay maanta soo gaareen degmada Dhahar ee xarunta gobolka Haylaan. Isimadan ayaa waxay u yimaadeen shaqaaqo dhawaan ka dhacdey degmada Dhahar oo ay dad ku nafwaayeen sidii ay u xalin lahaayeen. Arintan ayaa waxay dadku intiisa badan leeyihiin waxaa lagu xiriirinayaa aano qabiil kadib markii deegaanka Qardho lagu diley nimanka wax toogtey shalay walaalohooda. Isimada gobolka Haylaan ayaa arintan aad uga hortagay isla markaana ku howlan xalinteeda. Waxaa maanta sidoo kale aad ugu howlan xalinta shilkii dhacay isimada gobolka Bari oo uu hogaaminaya Ugaas Xassan Ugaas Yaasiin, waxaa kaloo weheliya Suldaan C/laahi Cumar Saalax, Beeldaaje Ismaaciil Yaasiin, Suldaan Baashi Koonte, Suldaan Daa’uud Faarax, Suldaan Siciid Guuleed Sanyare, General Cali Ismaaciil, Suldaan Ciise Maxamed Ciise, iyo isimo kale. Isimadan ayaa waxay soo gaareen degmada Dhahar galabnimadii maanta, halkaasoo si wanaagsan loogu soo dhaweeyey. Isimada ayaa idaacada SPR uga warbixiyeen socdaalkooda, isla markaana sheegay in ay maanta nasan doonaan barina la shiri doonaan isimada gobolka Haylaan. Suldaan C/laahi Cumar Saalax Jeenicad ayaa idaacada Somali Public Radio warbixin kooban siiyey. Quote Share this post Link to post Share on other sites
Xudeedi Posted October 8, 2010 Click on the link below to listen to the audio: http://www.spr.fm/index.php?option=com_k2&view=item&id=584:isimo-ka-kooban-isimada-beelaha-gobolka-b ari-oo-soo-gaarey-degmada-dhahar&Itemid=121 Quote Share this post Link to post Share on other sites
