Mogadishu: Police and security forces execute criminal gang members

[General Duke]

Muqdisho: Jab xoogan oo ku dhacay kooxihii weeraray xarumaha ciidamada habeenkii xalay ahaa.

17. oktober 2007

 

 

Muqdisho(AllPuntland)- Xalay ayaa magaalada Muqdisho waxaa ka dhacay weeraro xoogan oo ay soo qaadeen kooxaha ka soo horjeeda DFKMGS ,ayagoo markaasina kooxahaasi loo geystay khasaarooyin kala duwan.

 

Weeraradii xalay waxaa wararku sheegayaan in ay ku dhaawacmeen dad gaaraya 30 ruux, ayagoo dhamaantood dadkaasi qaarkood yihiin kuw fudud ,waxa ayna kooxahaasi ku garaaceen hoobiyayaal xaafado ay degan yihiin dad Shacab ah.

 

Taliyaha howlgalinta ciidamada dowlada Soomaaliya Col. Xuseen Dhuumaal ayaa shaaca ka qaadey in jab xoogan ay ugeysteen kooxihii ka soo horjeeday dowlada faderaalka ee Soomaaliya.

 

Col.Xuseen Dhuumaal wuxuu beeniyay warka sheegaya in ay Saldhig milateri oo ay leeyihiin ciidamada dowlada Soomaaliya ay la wareegeen kooxaha ka soo horjeeda dowlada faderaalka ee Soomaaliya.

 

Taliyuhu ayaa sheegay in ay jab xoogan ugeysteen kooxihii weerarka soo qaadey ,isagoo shaaca ka qaadey in ay si xun kooxahaasi ugu jabeen weerarkii ay ku qaadeen isgoyska Bakaaraha ee wadada wadnaha ee magaalada Muqdisho.

 

Weeraradii dhacay xalay ayaa si isku mid ah uga qarxay deegaanada kala ah Geed Jaceel ilaa iyo isgoyska Bakaaraha ee wadada wadnaha ,isgoyska H/wadaag & degmada W/dhiigleey.

 

Dhamaan weeraradii xalay ayaa socdey ku dhawaad 2 saacadood ayagoo ciidamada dowlada Soomaaliya aysan cidna kama dhiman ,inkastoo ay jiraan dhawaacyo soo gaarey ciidamada DFKMGS.

 

Caasumada Soomaaliya ayaa nabad aheyd todobaadii maalmood ee ugu danbeysay ,ayadoo weeraradii xalay ay dadku saaka hadal hayaan.

 

Faarax C/qaadir Geylan

AllPuntland