Mogadishu: Security forces hunt criminal gangs and bombers

[General Duke]

Ciidamada qalabka sida ee Jamuuriyada somalia oo maanta hawlgalo lixaadle kawada magaalada muqdisho.

 

Ciidamada qalabka sida ee Jamuuirayada somalia ayaa maanta hawlgalo lixaadle kawada inta badan caasumada somalia ee muqdisho iyadoo la arkayo saaka kawaariada qafilan oo lagu gooyay wadooyinka waawayn ee isku xira magaalada muqdisho qaarkood.

 

Iyadoo goobaha sida wayn loo baarayo ay ka mid tahay Xerada maslax,warshadii baastada iyo jidka wayn ee isku xira labadaasi xaafadood.

 

Waxaa sidoo kale saaka weerar gaadmaa lagu qaaday kolonyo ciidamada ethiopia ah oo marayay wadada warshadii baastada oo xarun u ah ciidamada ethiopia ee ku sugan gudaha somalia.

 

weerarkan oo loo adeegsaday miino dhulka hoostiisa lagu aasay oo laga hagayay gacanta ayaan cidina wax ku noqon iyadoo isla markiiba kor laga xiray goobtii qaraxu ka dhacay walina ay ka socoto hawl baaritaan oo xoogan oo guri guri loo galayo xaafadaha ku xeeran goobta qaraxu ka dhacay.

 

Hawlgaladan ayaa noqonaya sida ay sheegeen saraakiil ciidan kuwo ciribtir ah oo lagu baacsanayo kooxaha nabad diid ka ee ku dhuumaalaysanaya magaalada muqdisho gudeheeda kuwaasoo dilal iyo qaraxyo la eegta dadka wax garadka ah.

[General Duke]

Muqdisho: Howlgalladii ciidamada dowlada Soomaaliya iyo kuwa Itoobiya oo qaarkood la soo afmeeray inkastoo hubab fara badan lasoo qabtay.

25. august 2007

 

Muqdisho(AllPuntland)- Ayadoo maanta Magaalada Muqdisho ay ka socdeen howlgallo wajiyo badan leh ayaa lasheegayaa in qaarkood la soo afmeero.

 

Howlgallada ciidamada dowlada Soomaaliya ayaa lugu soo qabtay hub iskugu jira noocyada kala duwan ,waxyaabaha Qarxa oo laga soo qabtay deegaano ka mid ah degmooyinka Huriwaa iyo Gubta inkastoo aan la aqoon cadadka uu dhan yahay ayadoo ciidamaduna meelahaasi hada ka wada howlgalladan.

 

Afhayeenka xafiiska isku xirka dadweynaha, saxaafada iyo ciidamada Booliiska G/lle Cabdi Waaxid Max'ed Xuseen ayaa sheegay in maanta laga fuliyay goobo ay ka mid tahay deegaanka Ceelka biyaha ,halkaasoo laga soo helayay hubab kala duwan ,waxaana ay goobahaasi ka mid yihiin meelihii dhawaan uu sheegay gudoomiyaha gobalka Banaadir Maxamed Cumar Xabeeb in ay joogaan Argagixisada magaalada Qaraxyada ka wada.

 

Waxaa lasheegayaa in hubkaasi layskugu geeyey goobo lugu uruuriyo hubabka inta badan lugu soo qabto howlgallada ciidamada dowlada Soomaaliya iyo kuwa dowlada Itoobiya ,waxaana kaloo wararku sheegayaan in la soo qabtay dad gaaraya 6 qof oo lugu qabtay ayagoo faraha kula jira Waxyaabah qarxa .

 

Gaadiidka dadweynaha oo maanta galinkii hore xirnaa ayaa galabta dib ubilaabay ,waxaana dadweynuhu isweydiinayaan ciidamada dowlada Soomaaliya ee wali jooga goobihii laga sameeyey howlgallada ayadoo lasheegayo in ay ciidamadu dageen fariisimo kuyaala degmooyinka laga sameeyey howlgalladan.

 

Faarax C/qaadir Geylan

AllPuntland