General Duke Posted March 31, 2010 Soomaaliya: Xaaladdu sida ay hadda tahay lagu hayn karo | Walad Cabdalla Daabaco | Print | Faafin: SomaliTalk.com: Monday, March 29, 2010 // 2 Jawaabood Neyroobi 26 Maarso, 2010 – Ergeyga Gaarka ah ee Xoghaya Guud ee Qaramada Midaabay u Qaabilsan Soomaliya, Md. Ahmedou Ould-Abdallah, ayaa maalin ka hor shir madaxeedka Dowladaha Jaamacadda Carabta ee ka dhacaya dalka Libya sheegay inuu ku faraxsanyahay dardata xaaladda ka jirta Soomaalia ee ku aaddan xagga geeddi socodka nabadda. “Waxaan ku jirnaa rubicii ugu horreeyay ee sannadkii labaad ee muddada Dowladda Federaalka Ku Meel Gaarka, mana habboona in xaaladda sida ay hadda tahay sii ahaato. Waxaa la qaaday dhowr tallaabo oo adadag oo wax ku ool ah, kuwaasoo muujinaya rabitaanka iyo awoodda ay Dowladdu u leedahay inay u isticmaasho muddada kalaguurka ah si habbon oo ay dani ugu jirto dadka Soomaaliyeed.” Md. Ould-Abdallah wuxuu sheegay heshiiskii dhexmaray Dowladda iyo Ururka Ahlu Sunna Wal Jamaaca oo la saxiixay 15kii Maarso waa caddeyn dheeraad ah ee muujinaya in Dowladdu ay ka go’antahay inay kala shaqeyso soo celinta nabadda iyo dibuheshiisiinta dhammaan qaybaha doonaya. Md. Ould-Abdallah oo ay weheliyaan Ra’iisal Wasaare Cumar Cabdirashiid Cali Sharmaarke iyo Danjire Boubacar G. Diara, oo ah madaxa Hawlgalka Midowga Afrika, ee Soomaaliya, AMISOM, ayaa 23kii Maarso magaalada Neyroobi ka furay kulan uu yeeshay Guddiga Amaanka ee Wadajirka (JSC). Kulanku wuxuu eegay horumarka ilaa iyo maanta laga gaaray dibuhabeynta dhanka amaanka, waxaana laga wadahadlay waxyaabaha loo baahan yahay in laga qabto dhinacyada qorshaha amaanka iyo xasilinta qaran. Waxaa kaloo laga wadahadlay hindiso tababar oo ay gacan siiyaan Midowga Yurub iyo xubno kale ee ka tirsan Bulshada Caalamka. “Dowladdu waxay – si sii kordheysa oo xawaare dhab ah leh – ula shaqeynaysaa dadka Soomaaliyeed iyo saaxibadeeda ee addunka si loo fuliyo shuruudihii uu dhigayey Heshiiskii Nabadda ee Jabuuti,” ayuu yiri Md. Ould-Abdallah. Shir hawleed socday 3 toddobaad oo Jabuuti loogu qabtay xubnaha Guddiga Madaxa Bannaan ee Dastuurka iyo Arrimaha Federaalka (IFCC) ayaa lagu soo gabagabeeyay 23kii Maarso laguna soo bandhigay wadiiqooyin cusub oo loo marayo geeddi socodka dastuurka. Guddiga – oo horey uga koobnaa 15 xubnood – wuxuu ballaariyay xubnihiisa oo gaarsiiya 30 wuxuuna doortay guddoomiye cusub. Guddigu wuxuu isku afgartay inuu sameysto habdhismeed maamul, wuxuuna mas’uuliyaad u xilsaaray guddiyo kala duwan oo joogto ah iyo kuwa hoose oo u xilsaaran mawaadiic kala duwan sida waxbarashada madaniga, arrimada sharciga iyo wacyigelinta dadweynaha. Waxaa la filayaa in Guddiga Dastuurka iyo Arrimaha Federaalka Madaxabannaan ay soo gudbiyaan qabyoqoraalka dastuurka marka la gaaro 1da bisha Luulyo. Iyadoo la eegayo kulan bishii Diisembar lagu qabtay magaalada Jiddah oo ay Dowladda Ku Meel Gaarka ay arrimaha u muhimsan ugu soo bandhigtay Kooxda Xiriirka Caalamiga (ICG), kulan kale oo ay kooxdu leedahay oo ay martigelinayso Jaamacadda Carabta ayaa ka dhici doona magaalada Qaahira 22ka bisha Abriil. Kulanku waxaa lagu eegi doonaa guulaha la gaaray waxaana lagu go’aamin doonaa hawlaha u baahan in degdeg wax looga qabto. Iyadoo la tixraacayo Qodobka 11 ee Heshiiskii Jabuuti, waxaa la filayaa in 22ka bisha May magaalada Istanbul lagu qabto shir looga hadlayo Dibudhiska iyo Horumarinta Soomaaliya. Shirka oo ay martigelinayso Dowladda Turkiya waxaa ka soo qaybgeli doona wufuud heer sare ah oo ka socda Soomaaliya iyo saaxiibadeeda waxayna ka doodi doonaan mashaariic dhaqangal ah. Md. Ould-Abdallah wuxuu sheegay inuu magaalada Madrid kula kulmay Wasiirka Arrimaha Dibadda iyo Xiriirka ee Spain, Miguel Ángel Moratinos Cuyaubé, Xoghayihiisa Doladda, Angel Lossada Torres-Quevedo, iyo saraakiisha ku dhowdhow si ay isu la jaangooyaan qorshaha kulamada iyo shirarka soo socda ee lagu kala qaban doono magaalooyinka Qaahira iyo Istanbul. Wuxuu sheegay in Wasiirku uu caddeeyay in Dowladdiisu ay sii wadayso xiisaha ay u hayso inay sare u qaaddo magaca ay Soomaaliya ku leedahay caalamka si kaalmo looga geysto sare u qaadidda xasilloonida iyo nabadgelyada waxna looga qabto falalka burcad badeed ee ka dhaca xeebaha Soomaaliya. “Inkastoo ay weli hortaagan yihiin caqabado badan oo halis ah, Dowladda Soomaaliya waxay maalinba maalinta ka dambeysa sii noqonaysaa saabiib lagu lagu kalsoonaan karo. Haddii iyada iyo Bulshada Caalamku ay sii hayaan waddadan oo ay feejignaadaan, marka la gaaro bisha Agoosto ee 2011 Soomaaliya waxay yeelan doontaa asaas adag oo wax lagu dhisi karo.” ____________________ Wixii war dheeraad ah fadlan kala xiriir: Susannah Price ama Donna Cusumano, saraakiisha qaabilsan isgaarsiintab guud, Xafiiska Qaramad Midoobay u Qaabilsan Arrimaha Siyaasadda Soomaaliya, Nairobi Tel. +254 20 762 7132/7133 ama +254 733902020 ama 737400133 Fadlan eeg rugta Internet-ka (website) www.unpos.unmission.org Quote Share this post Link to post Share on other sites
General Duke Posted March 31, 2010 Xafiiska Qarammada Midoobay u Qaabilsan Arrimaha Siyaasadda Soomaaliya (UNPOS) WAR-SAXAAFADEED 05/2010 Ergayga Gaarka ah: Soomaaliya waxay si tartiib-tartiib ah uga guureysa xaladii aheyd dawlad fashilaney, waxayna u sii guureysa hab ah dawlad jilacsan Nayroobi, 15 Marso 2010 – Ergayga Gaarka ah ee Qaramadda Midoobay u Qaabilsan Arrimmaha Soomaaliya Ahmedou-Ould Abdullah ayaa maantay ku amaaney Dawlada Ku-meel gaarka ah iyo Ururka Ahlu Sunnah Wal Jameeca heshiiska ay sida rasmiga ah ugu saxixeen Xarunta Midowga Afrika ee Addis Ababa. Heshiisku wuxuu labada dhinac ku waajibinaya, sida uu qabo heshiiki Jabuuti, inay si buuxda iska kaashadaan arrimmaha nabadeenta iyo dib-uheshiisiinta dalka. “Waxaan ku hanbalyeynayaa saxiixayaasha heshiiska ay gaareen, kaas oo waafaqsan maslaxada dadka, iyo qaranka Soomaaliyeed, sidoo kale heshiisku wuxuu waafaqsan sharafta Ummadda iyo nabadeenynta Gobalka. Heshiisku waa guul ay gaareen labada dhinac, wuxuuna cadeynayaa in arrimmaha Soomaaliya isbedeli karaan hadna ay isbedelayaan ” ayuu yiri Mudane Ould-Abdullah. Heshiisku waxaa la gaaray ayada oo la raacaayo Habkii Nabadayntii Jabuuti, wuxunna daba-jooga baaqii ay Nayrobi kuwada saxiixeen Dawladda iyo Ahlu Sunnah Wal Jameeca 21 Junn, 2009 anyna garwadeen ka aheed Qaramadda Midoobay. “Waxaan ku celinayaa hadalkii aan horey u iri oo aan aad u rumeysanahay kaas oo ah in Soomaaliya ay hada ka guureyso habkii ahaa dawlad fashilantay una guureyso dawlad jilacsan. Waxaan ku qanac sanahay in ficilkaani ka danbeyn doono isu-soo dhawasho farabadan oo dhowaan ka dhexdhico ummadda Soomaaliyada. Kala qoqobiddi horey looga dhex sameeyey habkii lagu nabadeyn lahaa ummada Soomaaliyeed ayaa hadda si tartiib tartiib ah loo burburinayaa”. “Waxaan jecelahay in aan ka mahadceliyo dowrka muhiimka ahaa ee ay ka qaateen arrintan Ururka Midowga Afrika, Jaamacada Carabta, Midowga Yurub, Norway, iyo Dawlada Mareykanka. Sidoo kale waxaan u mahadcelinaya wadamada xubnaha ka ah Urur Gobaleedka IGAD, gaar ahaan shirgudoonka Etoobiya sida ay uga go’aneed iyo dadaalka ay ka geysteen meel-marinta heshiiskaan”. “Aniga oo u mahad celinayaa dhamman dhinacyada iyo qeybaha gacanta ka geeystay heshiiskan, ayaa haddana waxaan ugu baaqaya dhammann saaxibadeyda iyo walaalaheyga Soomaaliyeed in ay hirgeliyaan xaqiiqada soo muuqaneysa, ee ah dib-u dhalashada dawladnimadda Soomaaliyeed”. Wixii war dheeraad ah fadlan kala xiriir: Susannah Price ama Donna Cusumano, saraakiisha qaabilsan isgaarsiintab guud, Xafiiska Qaramad Midoobay u Qaabilsan Arrimaha Siyaasadda Soomaaliya, Nairobi Tel. +254 20 762 7132/7133 ama +254 733902020 ama 737400133 Quote Share this post Link to post Share on other sites
General Duke Posted March 31, 2010 Ould Abdallah at UNSC stakeout, rejection of his LOS deal not shown Quote Share this post Link to post Share on other sites
