Jacaylbaro Posted October 31, 2007 Wasaarada Caafimaadka oo Taakulo Gaadhsiisay Deegaanka Degmada Buuhoodle Burco(QARAN)-Xarunta Wasaarada Caafimaadka Gobalka Togdheer ayaa maanta markii ugu horeysay taakulo daawo ah, ugu deeqday Dadweynahaku soo barakacay Gobalka Sool ee soo gaadhay deegaamada Degmada Buuhoodle. Isuduwaha Wasaarada Caafimaadka Gobalka Togdheer Aadan Cilmi Diiriye (Malaay)oo maanta shir jaraa,id ku qabtay Xarunta Xanaada Dhexe ee Burco ayaa daboolka ka qaaday in deeq taakulo daawooyin isugu jira daawada shubanka, iyo daawada guud, oo gaadhay dhawr ton lagaadhsiiyo ilaa 10 goobood oo ay u badan yihiin dadweynaha goobaha ay degan yihiin, dadka ka soo bara kacay Deegaamada Gobalka Sool. Isuduwaha waxaa kale oo uu cadeeyey in goobaha la gaadhsiin doono daawooyinka ay ka mid yihiin Xarumaha Xanaanooyinka (Health Centers) oo ay ka mid tahay gudaha Degmada Buuhoodle, iyo weliba afar tuulo oo ay ku yaaliin Rugaha Caafimaadka, kuwaas oo xilligan ay culays ku hayaan dadka qaxootiga ah, isagoo arintaa ka hadlayana waxaa uu yidhi “daawadani waxay isugu jirtaa mid sadex biloodle ah, oo ay bixiso Unicef iyo mid loogu talo galay xaaladaha gurmadka ah, oo ay Wasaarada Caafimaadka ku gurmanayso waxaana muhiimada la saarayaa meelaha shubanka ka jiro. Deeqdan daawada ahi waxay ku soo beegantay xilli dadweynaha deegaamadani ay ku dhawaaqayeen in culayka qaxootiga ay dhaliyeen cuduro hor leh, oo ku soo kordhaya Caruurta iyo Dumarka, iyado oo sidan oo kalena garab ka mid ah Xisbiga Ucid, ay todobaadkan gudihiisa ka soo saareen deegaankaas qaylo dhaan dhinaca Caafimaadka oo ku jihaysan dadweynaha ay soo baro kicisay dagaalka ka oogan Gobalka Sool. Quote Share this post Link to post Share on other sites
