Kismayu: update Radio Garowe + Goobjoog [IndaCade site]+ Gedoweb[Hiiraale site]

[General Duke]

Dhiilo ka jirta Kismayo

15 Dec 15, 2007 - 5:50:39 AM

 

Wararka ka imaanaya magaalada Kismaayo ee gobolka J/Hoose ayaa sheegaya in maamulka ka arimaya ay amar ku bixiyeen in ciidamada amaanka iyo kuwa Maleeshiyo beeleedka ah la geliyo heegankii u sareeyay xili ay soo baxayaan warar sheegaya in magaaladaasi ku soo wajahan yihiin ciidamo taageersan Maxkamadihii Islaamiga ee loo awooda sheegtay.

 

C/risaaq Aadan Faarax Suuf oo ah afhayeen ayaa sheegay in tallaabadaan tahay mid looga hortagayo xoogag uu sheegay iney soo buuxiyeen dhinaca Waqooyi Galbeed ee degmada Jilib kuwaasi oo uusan sheegin halka ay ku wajahan yihiin balse uu qiray iney jiraan tuhuno duulaan lagu soo qaado magaalada Kismaayo.

 

Waxaa Kismaayo lagu arkayaa gaadiidka dagaalka iyo Maleeshiyaad hubeysan oo wadooyinka socod ku maraya kuwaas oo diyaar garow ku jira.

 

Dhinaca kale dadka ku dhaqan magaaladaas ayaa cabsi ka qaba isku dhac dhexmara maamulka gacanta ku haya Kismayo kaas oo sheegta in u tageersan yahay DFKMG ah iyo kooxo tageersan Maxkadahii laga awood roonaadey kuwaas oo ka tirsan beesha ka arimisa inta badan Jubbada Hoose.

 

Wel-welkan ayaa yimid xilli dhowaan magaalada Kismayo booqasho ku yimid Ugaas Maxamad Weli oo ka tirsan Maxakimta isla markaana ka soo qeyb galey shirkii Asmara.

 

Maxamad Weli oo odaaysha beesha dhaqanka **** ku amreen in ka baxo magaalada Kismayo ayaa wararku sheegayaan in u ambabaxey dhinaca Dhooble halkaas oo la sheego in ku sugan yihiin xoogag ka tirsan Maxaakimtii.

[General Duke]

Maleeshiyada kusugan Kismaayo ee sugta Ammanka Degmadaasi oo heegankii ugu sareeyay la geliyay.

 

Maleeshiyada dowladda ee kusugan magaalada Kismaayo lakin dowladdu ay sheegto in ay beelo yihiin ayaa la geliyay Heegan buuxa kadib markii ay ka warheleen sida ay sheeganayaan horjoogeyaasha maleeshiyaadkaasi in ay weerar kusoo yihiin dagaalyahanno taabacsan maxkamadaha Islaamka.

Wararka aanu Kismaayo ka heleyno ayaa sheegaya in Heegankaasi ay galiyeen Maleeshiyada kismaayo kusugan Odayaasha horkacaya maleeshiyaadkaasi, waxaana lagu soo waramayaa in odayaashu ay hanjabaadyo la kulmeen.

 

Warar kale ayaa waa ay sheegayaan oo GOOBJOOG ay ka heleyso ilo lagu kalsoon yahay in Degmada Jilib ay kasoo socdaan Xoogaga tababaran oo taabacsan Golihii Maxaakimta kuwaasi oo doonaya in ay si toos ah ula wareegaan Gacan ku heynta magaalada Kismaayo.

 

Waa markii ugu horeysay oo heegan buuxa la geliyo maleeshiyada Ammaanka ee magaalada Kismaayo kuwaasi oo iminka sida ka muuqata dagaal diyaar u ah, waxaana soo baxeysa cabsi laga qabo in maalmaha soo socda waa haddii sida ay filayaan odayaasha qaban qaabiyay maleeshiyada dowladda ay dhacdo in uu ka dhici doono Kismaayo dagaal aad u xoogan.

[General Duke]

Heeggan ballaaran oo maanta la galiyey ciidamada magaalada Kismaayo.

 

Posted by Kismaayo

Saturday, December 15 @ 06:27:05 PST

 

Heeggankan maanta la galiyey qeybaha kala duwan ee ciidamada magaalada Kismaayo sida kuwa nabadgelyada iyo qeybaha xeryaha keydka ku ah ayaa saraakiisha ciidamada magaalada Kismaayo waxaa ay ku sheegeen inay la xiriirto kadib markii laga war helay kooxa ammaanka Jubbooyinka qalqal galin ku soo wada oo abbaabullo ciidamo ka wada meela katirsan G/J/dhexe.

 

Afhayeenka ciidamada magaalada Kismaayo C/risaaq Aadan Faarax (Suufi) oo maanta wariyayaasha kula hadlay Hotel Tawakal ee magaalada Kismaayo ayaa sheegay in heegganka sababtiisa ay tahay kagadaala markii ay heleen xog buuxda oo muujineysa ciidamo lagu abbaabulayo aagag ku dhow degmada Jilib ee G/J/dhexe oo uu xusay in ay dagaal ku soo wadaan magaalada Kismaayo, islamarkaana buu yiri ay doonayaan in ammaanka oo hadda meel fiican maraya ay qalqal galiyaan.

 

“Ciidamada noocyadooda kala duwan heeggan ayaa la galiyey, waxaanu helnay information ah in ciidamo ay isku urursanayaan W/bari iyo W/galbeed degmada Jilib” ayuu yiri afhayeenka ciidamada Kismaayo C/risaaq Aadan Faarax (Suufi) oo intaasi raaciyey in ay ka war hayaan lix gaadiidka dagaalka ee Technic-da oo ka yimid G/J/hoose in ay soo gaareen J/dhexe qeyba ka tirsan.

 

C/risaaq Suufi ayaa magac dhabay shaqsiyaad uu sheegay in ay horkacayaan ciidamada isku urursanayo J/dhexe, wuxuuna ku goodiyey in tallaabo ay ka qaadi doonaan haddii ay isku dayaan in ay Kismaayo duullaan ciidan ku soo qaadaan.

 

Magaalada Kismaayo oo ay gacanta ku hayaan ciidamo horay uga tirsanaan jiray guutooyinkii koowaad iyo saddexaad ee ciidamada xooga dalka DKMG ah ayaa horaantii iyo bartamihii sanadkan waxaa ku dagaalamay laba ciidan oo dowladda taabacsanaa, kuwaasoo qaab qabiil u hardamay hase ahaatee waxaan la ogeyn kooxaha haaatan saraakiishu ay sheegeen ee Kismaayo weerarka ku soo ah sida ay hadalka u dhigeen ujeedkooda iyo waxa ay u socdaan intaba.

 

 

Maxamed Xaashi Tawakal, Gedoweb Kismaayo