Madaxweyneyaasha Masar iyo Jabuuti oo kulankoodii ka dib meel adag ka istaagay “maamulka iyo amniga badda cas”

[Deeq A.]

Masar iyo Jabuuti ayaa ku heshiiyey in “maamulka iyo amniga” badda cas iyo gacanka cadmeed ay “mas’uuliyad ka saaran tahay” dalalka xuduudka la leh biyahaas, sida uu yiri madaxweynaha Masar Abdel Fattah al-Sisi.

Arbacadii ayuu Madaxweynaha Masar Al-Sisi u dhoofay dalka Jabuuti, halkaasoo uu booqasho hal maalin ah ku tegey.

Madaxweynaha Jabuuti Ismaaciil Cumar Geelle ayaa sheegay in labada hoggaamiye ay ka wadahadleen arrimaha gobolka. Waxaa kaloo khudbadda lagu soo qaaday arrimaha Soomaaliya iyo Suudaan.

Sida uu sheegay madaxweyne Geelle, arrin kale oo gobolka ah oo ay labada hoggaamiye ka wadahadleen ayaa ah badda cas iyo gacanka cadmeed. Labada dal ayaa sidoo kale ka wada hadlay marinka Bab el-Mandeb ee isku xira badda cas iyo gacanka cadmeed, sida uu sheegay madaxweynaha Jabuuti.

Madaxweynaha Jabuuti ayaa sidoo kale ku dhawaaqay in “ganacsi badeed oo xor ah” uu ka jiro marinka muhiimka ah ee ganacsiga caalamiga ah ee Badda Cas, waxayna isku raaceen in la xoojiyo iskaashiga iyo “xaqiijinta xasiloonida” badda.

Madaxweynaha Masar Abdel Fattah al-Sisi ayaa sheegay in uu Madaxweynaha Jabuuti la yeeshay wadahadallo ballaaran oo ay kaga wadahadleen xaaladda Koonfur Afrika iyo gobolka Badda Cas, labada dal ayaa sidoo kale ka wada hadlay caqabadaha caadiga ah ee ka jira Badda Cas.

Madaxweyne Al-Sisi ayaa khudbadiisa ku yiri “waxaan dib u xaqiijinay diidmadayada aan leexleexadka lahayn ee ka soo horjeeda wax kasta oo khatar ku ah ammaanka iyo xorriyadda dhaqdhaqaaqa ee marinnada muhiimka ah ee ganacsiga caalamiga ah”.

Waxa uu intaa ku daray inay sidoo kale isku raaceen “muhiimadda ay leedahay ilaalinta mabaadii’da amniga deegaanka”.

Al Sisi ayaa sheegay in arrin kale oo uu sheegay in uu la gaaray madaxweynaha Jabuuti ay quseysay maamulka badda cas iyo gacanka cadmeed.

Labada hoggaamiye waxay ku dhawaaqeen inay “ku heshiiyeen in maamulka iyo amniga” marinnada ganacsiga badaha caalamiga ah ee muhiimka ah” uu yahay mas’uuliyadda keliya ee dalalka deriska ah”.

Xigashada Sawirka,Getty Images

Qoraalka sawirka,Markab ganacsi oo maraya kanaalka Suweys ee badda cas

Ma aha markii ugu horeysay oo Masar ay sheegto in maamulka badda cas uu yahay mid ay mas’uul ka yihiin oo kaliya dalalka xuduudka la leh biyaha.

Mawqifka Masar ayaa yimid kadib markii Ra’iisul Wasaare Abiy Axmed uu dhowr jeer ku celceliyay muhiimadda ay badda cas u leedahay ammaanka, isagoo sheegay in arrintan ay tahay “arrin badbaado iyo badbaado la’aan u ah Itoobiya.

Masar, oo sanado badan ka ashtakooneysay biyo xireenka weyn ee Itoobiya oo gabagabo ku dhow, ayaa iskaashi la lahayd wadamada gobolka oo ka soo horjeeda rabitaanka Itoobiya ee ah inay hesho marin badeed ku xira badda.

Markii uu Ra’iisal Wasaare Abiy ku dhawaaqay in Itoobiya ay doonayso in ay deked ku yeelato Badda Cas, waxa uu yiri, “Badda Cas iyo Niilku waa khayraadka dabiiciga ah ee qeexaya Itoobiya”.

Wasiirka arrimaha dibadda Masar Badri Abdellati ayaa khudbad uu jeediyay ku sheegay in badda cas loo baahan yahay in ay adeegsadaan dalalka deriska ah oo kaliya, isla markaana aysan jirin cid kale oo soo geli karta badda cas.

Xiisadda badda cas ee soo jiidatay indhaha dalalka kulaala baddaas ayaa soo jiitamaysay tan iyo markii ay Itoobiya heshiiska isfaham la gashay Somaliland, kaasoo dhigayey in buqcad 20 KM ah ay Itoobiya ka hesho xeebaha badda cas ee Somaliland arrintaasoo muran xoog leh dhalisay

 

Bbcsomali

Qaran News