Xiisadda u dhexeysa Pakistan iyo Hindiya oo cirka isku sii shareeraysa

[Deeq A.]

Xiisadda y dhexeysa dalalka Hindiya iyo Pakistan ayaa cirka isku sii shareeraysa ka dib markii Xukuumadda New Delhi ay Islamabad ku eedeysay dad lagu diley gobolka lagu muransanyahay ee kashmir.

Xukuumadda Hindiya ayaa dalkeeda ka ceyrisay dublumaasiyiin uu kamid yahay u qaabilsanihii arrimaha difaaca ee safaaradda Pakistan, taas oo xaaladda uga sii dartay.

Dhankeeda Pakistan waxay hakisay ganacsigii kala dhexeeyay Hindiya oo ay ku jiraan badeecadaha ka imanayo waddan kasta oo saddexaad oo soo mara dhulkeeda.

Pakistan waxay sidoo kale ku dhawaaqday in la taliyayaasha difaaca Hindiya ee safaaradda Islamabad uu si degdeg ah uga baxo dalkeeda, ayadoo diiday ku dhawaaqista Hindiya ee hakinta heshiiska biyaha ee Indus.

Labadan dal oo haysta hubka Nuclear-ka ayaa horay dhawr mar u dagaalamay, lamana ogga halka ay ku dambeyn doonto xiisadda haatan soo cusboonaatay.

Source: goobjoog.com