Is-diiwaangelinta Codbixiyeyaasha oo Ka Bilaabatay Degmada Xamarjajab ee Gobolka Banaadir

[Deeq A.]

Maanta oo talaado ah  ayaa si rasmi ah degmada Xamarjajab ee gobolka Banaadir looga bilaabay is-diiwaangelinta codbixiyeyaasha doorashada, taasoo qeyb ka ah diyaar-garowga doorashooyinka la filayo in dalka laga qabto.

Hawlgalka is-diiwaangelinta ayaa waxaa daahfuray mas’uuliyiin ka tirsan maamulka gobolka Banaadir, guddiga doorashooyinka qaranka, iyo xubno ka socda ururada bulshada rayidka ah.

Dadweynaha degmada Xamarjajab ayaa si weyn ugu soo baxay goobaha is-diiwaangelinta, iyagoo muujiyay xiisaha ay u qabaan ka qeybgalka hanaanka dimuqraadiyadda ee dalka.

Mas’uuliyiinta doorashada ayaa sheegay in is-diiwaangelinta ay socon doonto maalmo dhowr ah, isla markaana la rajeynayo in dhammaan dadka u qalma codbixinta ay helaan fursad ay ku is-diiwaangeliyaan.

Waxaa la filayaa in is-diiwaangelintu ay si tartiib ah uga bilaabato degmooyinka kale ee gobolka Banaadir iyo guud ahaan dalka, iyadoo la raacayo jadwalka uu soo saaray guddiga madaxa bannaan ee doorashooyinka.

Source: goobjoog.com