Daawo: Mooshin la geeyay BF oo buuq xooggan dhaliyay

[Deeq A.]

Muqdisho (Caasimada Online) – Buuq xooggan iyo sawaxan ayaa hareeyay kulan xasaasi ah oo maanta Muqdisho ay ku yeesheen xildhibaannada golaha shacabka Soomaaliya, kaas oo guddoomiyay afhayeenka baarlamaanka, Sheekh Aadan Madoobe.

Kulankan oo ah kii koowaad kadib fasax dheer oo ay galeen xildhibaannada ayaa ku bilowday fowdo, waxaana soo istaagay tiro xildhibaanno oo buuq ka sameeyay hoolka.

Xildhibaannadan oo u badnaa kuwa mucaaradka iyo guddoonka sare ayaa isku qabtay moohin ay wadeen, si loo horgeeyo golaha, kaas oo ku aadanaa maamuus ka xayuubintii Xildhibaan Cabdullahi Xaashi Abiib, taas oo dhalisay is faham-waa xooggan.

Guddoomiye Sheekh Aadan Maxamed Nuur (Aadan Madoobe) oo ka hadlay kulanka ayaa sheegay in mooshinka uu yahay sharci darro, isaga oo diiday inuu qabto.

“Mooshin marka la qabanaayo waa inuu waafaqsanaadaa dastuurka iyo xeer hoosaadka waa ka hor imaanayaa, weliba si cad saa daraadeed lama qaban karo” ayuu yiri Guudoomiye Aadan Madoobe

Waxaa kale oo uu sii raaciyay “Haddaan qabto dambiile ayaa noqonayaa, mana qabanaayo ee buuqa joojiya xildhibaannno”.

Intaas kadib xildhibaannada waday mooshinka AYAA la wareegay goobta laga hagayay baarlamaanka, si uu meel mariyaaN doodoodan Muuqaalo lagu baahiyay baraha bulshada ayaa muujinayo jahwareer ka taagan xarunta Villa Hargeysa.

Baarlamaanka Soomaaliya ayaa waxaa haatan horyaallo shaqooyin adag oo ay ugu horreyso arrinta doorashooyinka, maadaama laga sugayo shuruucdii lagu hagi lahaa.

Kaldhigii ugu dambeeyay ayay xildhibaannadu ku gaareen go’aanno culus oo la xiriira doorashada iyo wax ka beddelka dastuurka, xilli ay weli diidan yihiin mucaaradka.

Villa Soomaaliya oo garab wayn ka heleysa guddoonka sare ee labada gole ayaa dhankeeda wadda olole xooggan oo ku aadan hirgelinta qorshaheeda doorasho qof iyo cod ah oo haatan ay u qaaday tallaabadii u horreysay, maadaama la bilaabay diiwaangelinta codbixiyeyaasha.

Si kastaba ha ahaatee, Siyaasiyiinta mucaaradka oo ku jiraan madaxdii hore ee dalka iyo maamullada kasoo horjeedo dowladda, sida Jubbaland iyo Puntland ayaa si weyn u diidan qorshaha socda ee ku aadan hannaanka loo wajahayo doorashooyinka dalka.