BK oo shaaciyay inuu dib ugu soo laabtay FANKA iyo laba hees oo uu ku taageerayo…

[Deeq A.]

Hargeysa (Caasimada Online) – Hobalka caanka ah ee reer Hargeysa Maxamed Saciid Bk ayaa maanta shaaciyay inuu dib ugu soo laabtay fanka oo uu horay uga baxay.

Bk ayaa maanta ayaa ku caddeeyay kusoo laabashadiisa fanka, kadib 5 sano oo uu maqnaa masraxyada heesaha, wuxuuna farriin la wadaagay taageerayaashiisa.

Sidoo kale wuxuu sheegay inuu dhowaan baahin doono labadiisa hees uu ugu horreeyo, kadib kusoo laabashadiisa fanka, sida maanta u sheegay warbaahinta Hargeysa.

“Shan sano kadib diyaar baan ahay. Dhowaan waxaan soo baahin doonaa labadii heesood ee ugu horreeyay, kadib soo laabashadeyda fanka” ayuu yiri Maxamed Saciid.

Labada hees waxa uu tilmaamay inuu kaga hadlayo waxqabadka xukuumadda uu gar wadeenka ka yahay Madaxweynaha Somaliland, Cabdiraxmaan Cabdullahi Cirro.

Sidoo kale heesaha uu soo saari doono waxaa laxanka saaray isla BK, halka uu tumay Axmed Weli Furinle, labada heesood waxa kala sameeyey Abwaan Daaha Gaas iyo Abwaan Dacar.

Maxamed Siciid BK oo ka mid ahaa raggii ugu magaca dheeraa kooxdii Xiddigaha Geeska ee ka hana qaaday Somaliland ayaa markale ka soo muuqan doono fagaareyaasha fanka, waxaanauu horay uu ahaa fannaan ay dadku si weyn u jecel yihiin heesihiisa.

Soo laabashada fanka ee Maxamed Bk ayaa waxaa ka dhalatay hadal-heyn xooggan, waxaana soo dhaweeyay taageerayaashiisa, halka dadka qaarna ay dhaliileen.

Najmo Xirsi Ismaaciil: “Shaqo aan Bk ahaynba ma jiro maanta miyaa? soo dhawoow fanaan”.

Maxamed Xuseen: “Soo dhawaw fanaan sare ee heestii sahuur dib usoo qaad”.

Yaasmiin Nuux Jaamac: “Nin shaydaan ka xoog batay uma xumid, wll Maxamed Saciid Bk”.

Saciid Cabdullaahi Cabdi: “Bk waxba maaahe waxaanu sugnaaaba waa Cawaale Aadan”.

Maxamed Nader Caydiid: “Markii horeba odeyga si dhab ah muuna uga bixin fanka”.