Dowladda Soomaaliya oo dalka ka ceyrisay Qunsul ka ku xigeenkii safaaradda Sweden

[Deeq A.]

Dowladda Soomaaliya ayaa ceyrisay madaxii arrimaha gargaarka Sweden Anna Saleem Högberg, ka dib markii DFS khilaaf soo kala dhex galay, ayna go’aansatay in ay dalka ka saarto Haweenaydaas, sida ay qortay majaladda Global Bar Magazine

Dowladda Soomaaliya ayaa la sheegay in ay go’aan ku gaartay in ay dalka ka saarto dublumaasigan arrimaha gargaarka u qaabilsanaa Sweden bishii March, waxaana sababta lagu sheegay khilaaf soo kala dhex galay ayada iyo xaafiiska Ra’iisul wasaaraha Soomaaliya, sida laga soo xigtay ilo xog-ogaal ah.

Dowladda Soomaaliya war rasmi ah arrintan kama soo saarin, balse wargeyska xogtan qoray wuxuu soo xigtay xubno dowladda ka tirsan oo arrintan u xaqiijiyay.

Anna Saleem Högberg oo fadhigeedu ahaa magaalada Nairobi ayaa safaaradda Sweden ee Soomaaliya u ahayd la-taliye iyo Qunsul ku xigeen, ayadoo sidoo kale masuul ka ahaa arrimaha gargaarka bini’aadantinnimada.

Source: goobjoog.com