Madaxweyne Deni oo dalbaday liisaska iyo xogta shakhsiga ah ee agaasimayaasha wasaaradaha Puntland

[Deeq A.]

Madaxweynaha Puntland, Siciid Deni oo warqad rasmi ah u qoray wasaaradaha dowladda ayaa ka dalbaday in ay soo gudbiyaan dhammaan liisaska iyo xogta shakhsiga agaasimayaasha guud, agaasimayaasha waaxyaha, madax-qeybeedada.

Warqadda ka soo baxday xafiiska madaxweyne Deni oo loo diray guud ahaan wasaaradaha dowladda Puntland ayaa sidoo kale looga dalbaday dhammaan faahfaahinnada ku saabsan xogta shaqaalaha iyo hantida wasaarad kasta, siday xaqiijinayaan ilo wareedyo hoose.

Wararka ayaa sheegaya in sidoo kale xafiiska madaxweyne Deni uu dalbaday soo gudbinta mashaariicda iyo shaqooyinka ka socda wasaaradaha iyo wixii caqabado ah oo jira, sida laga arkay warqaddan loo diray guud ahaan wasaaradaha dowladda.

PUNTLAND POST

The post Madaxweyne Deni oo dalbaday liisaska iyo xogta shakhsiga ah ee agaasimayaasha wasaaradaha Puntland appeared first on Puntland Post.