Dagaal beeleed khasaare dhaliyay oo ka socda gobolka Mudug

[Deeq A.]

Dagaal culus ayaa ka socda deegaanka Jiicboor ee galbeedka gobolka Mudug, halkaas oo maleeshiyaad ka soo kala jeeda Puntland iyo Galmudug ay isku fara saareen.

Dagaalkan ayaa ah mid soo noqnoqday, waxaana la sheegay inuu salka ku hayo muran la xiriira dhul daaqsimeed.

Wararka hordhaca ah ayaa sheegaya in uu jiro khasaare dhimasho iyo dhaawac leh, inkastoo tirada rasmiga ah aan weli la xaqiijin.

Dagaalka ayaa sababay barakac ay sameeyeen dadkii ku noolaa Jiicboor iyo nawaaxigeeda, iyadoo laga cabsi qabo in colaaddu sii xoogeysato.

Dhinacyada dagaallamaya ayaa la sheegay inay ka soo kala jeedaan Goldogob iyo Saax-wanaag, kuwaas oo horay ugu muransanaa maamulka deegaanka.

Ciidamada ammaanka ee Puntland iyo Galmudug ayaa weli aan si toos ah uga dhexgalin dagaalka, inkasta oo dadaallo nabadeed ay wadaan waxgaradka iyo odayaasha dhaqanka.

Source: goobjoog.com