Ciidanka Amniga oo helay Meydadka dadkii saarnaa Diyaaradii ku dhacday Jaziira

[Deeq A.]

Wararka naga soo gaaraya goobta shilka ayaa xaqiijinaya in shan qof oo saarnaa diyaarad burburtay ay dhammaantood ku geeriyoodeen shilkaas.

Diyaaraddan, oo markii hore la sheegay in ay saarnaayeen afar qof, ayaa hadda si rasmi ah loo xaqiijiyay in ay watey shan ruux, kuwaas oo dhammaantood u dhashay dalka Kenya.

Ciidamada gurmadka ayaa durbadiiba u gurmaday goobta shilka, iyaga oo dadaal dheer kadib maydadka ka soo saaray burburka diyaaradda.

Waxaa la sheegay in meydadka la geeyay magaalada Muqdisho si baaritaan dheeraad ah loogu sameeyo, kahor inta aan loo gudbin dalkooda hooyo.

Ilaa iyo hadda lama oga sababta rasmiga ah ee keentay shilka, balse hay’adaha amniga iyo kuwa duulista hawada ayaa wada baaritaan si ay u caddeeyaan wixii sababay musiibadan naxdinta leh.

Source: goobjoog.com