Mareykanka oo Iran ka dalbaday wada-hadal dublumaasiyadeed

[Deeq A.]

Madaxweyne Donald Trump, ayaa warqad uu u diray hoggaamiyaha ruuxiga ah ee Iran Ayatollah Ali Khamenei, asagoo ka dalbaday wada xaajoodka heshiis cusub oo ku saabsan Nukliyeerka ah dalkaasi sameysanayo.

Trump waxa uu si cad u sheegay in Iran ay haysato laba bilood oo kama dambays ah oo ay ku gaari karto heshiis, sida uu ilo xog ogaal ahi ay u sheegeen warbaahinta gudaha Mareykanka.

Ergeyga Trump ee Bariga Dhexe Steve Witkoff ayaa warqadda u gudbiyay madaxweynaha Imaaraadka Carabta Mohamed bin Zayed Al Nahyan, xilli uu ku sugnaa Abu Dhabi todobaadkii tagey, ayadoo Imaaraadkuna warqaddaas gaarsiiyay Wasaaradda arrimaha dibadda Iran.

Si kastaba ha ahaatee lama oga jawaabta ay Iran arrintan ka bixin doonto, balse Trump wuxuu sheegay in Tehran haddii ay labadaas bilood heshiis oggolaan wayso ay tillaabo kale miiska u saarantahay.

Source: goobjoog.com