Fal-celin culus oo ka dhalatay tallaabadii u dambeysay ee uu qadaay Aadan Madoobe

[Deeq A.]

Muqdisho (Caasimada Online) – Guddoomiyaha Golaha Shacabka, Sheekh Aadan Madoobe ayaa magacaabay guddi gaar ah oo warbixin kasoo diyaarin doona caqabadaha ka taagan safarada iyo ku xad-gudubka xildhibaanadda.

Magacaaabista guddigan oo daba socota doodii goluhu ka yeeshay caqabadaha safarada ee xildhibaanada ayaa waxaa ka dhalatay fal-celin xooggan, iyadoo dadka qaarkii ku tilmaameen mid aan wax ka goyn karin arrinta taagan.

Dadka qaar ayaa guddoomiye Aadan Madoobe ku dhaliilay daba-gal la’aanta guddiyada uu magacaabo oo badankood ay markaasi ugu dambeyso maqalkooda, iska daa inay warbixin ka keenaan arrinta loo igamadee.

Guddigan ayaa waxaa guddoomiye looga dhigay xildhibaan Cabdi Ibraahim Warsame, iyadoo xubnaha guddiga la faray in ay si deg-deg ah u hawl-galaan howsha loo igmaday, kuna keenaan warbixin dhameystiran.

Haddaba, Sidee looga fal-celiyay?

Sacad Cali Baafo: “Guddiga shaqadiisa waa la sheegay laakiin lama muddeyn waqtiga ay warbixinta kusoo gudbin lahaayeen.”

Saciid Axmed Xasan: “Aadan Madoobe intee guddi magacaabay waxay qabtaana lama yaqaano.”

“Mar hadii guddi loo saaray hawshas way isku dhamaatay in wax laga qabto lama rabo,” ayuu yiri Cabdullaahi Maxamed Aadam.

Maxamed Cabdi Dheere: “Guddigan waxa guddoomiye u ah nin shaqo yaqaana waliba hawl kar ah, horkeeni doona golaha wixii baritaankiisa ka so obaxa hadi alle idmo.”

Cabdiraxmaan Aadam Dirham: “Waxaan is weydiiyaa guddiyada la magacaabo waddo One-way ah miyey galaan oo aan dib waxba uga soo laaban! Caqliga dadka oo lagu cayaaraa muunad beel ayaa u natiijo ah sida madax badan horey ugu dhacday!.”

Mukhtaar Axmed Sugulle: “Odayga guddi sida loo sameeyo wuu yaqaan laakiin sida dib warbixinta golaha loogu soo celiyo ma yaqaan.”

“Maalin kasta waxan maqalnaa guddi ayaa la magacabay wali ma maqasheen gudigii waxan ayeey so arkeen,” ayuu yiri Cabdi Khaliif Shiiraar.

The post Fal-celin culus oo ka dhalatay tallaabadii u dambeysay ee uu qadaay Aadan Madoobe appeared first on Caasimada Online.