Madaxweynaha Hirshabeelle oo kormeer ugu tagey ciidamada ku sugan furimaha hore ee dagaalka

[Deeq A.]

Madaxweyne Cali Cabdullaahi Xuseen (Cali Guudlaawe) oo ku sugan furimaha dagaalka ayaa kormeeray aagagga ay ciidamadu ku suganyihiin ee kala ah Qurac-madoobe, warciise iyo Aqab-duco.

Saraakiisha ciidamada qalabka sida iyo hoggaanka xoogagga deegaanka ayaa la wadaagay Madaxweynaha howlgaladii ugu dambeeyay ee lagu bartilmaameedsaday Kooxda Al-Shabaab.

“Hirshabeelle, ma ahan gabaad argagixiso waa sababta aan dhammaanteen dagaalka ugu jirno halkan waa rejada shacabka Soomaaliyeed.” ayuu yiri madaxweyne Cali Guudlaawe.

Ugu dambeyn Madaxweynaha Dowladda Hirshabeelle ayaa ku tilmaamay khaarijinta hoggaamiyaal badan oo uu ka mid yahay Yuusuf Dhagnaas guul weyn oo laga gaaray howlgallada ka dhanka ah kooxda Al-Shabaab.

Source: goobjoog.com