Sign in to follow this  
Deeq A.

Daawo: DF oo caawa dishay ku xigeenkii Kabo-kutukade – Maxaa ka dhacay Sh/Dhexe?

Recommended Posts

Deeq A.   
Al-Shabaab-Al-Shabab-scaled.jpg?fit=2560

Muqdisho (Caasimada Online) – Dowladda Federaalka Soomaaliya ayaa caawa shaacisay in la dilay ku xigeenkii Horjoogaha Khawaarijta ee gobolka Sh/Dhexe, kaas oo magaciisa lagu sheegay Yuusuf Dhegnaas, kadib duqeymo culus oo ka dhacay aagga Ruun-nirgood.

Afhayeenka Wasaaradda Gaashaandhigga Soomaaliya, Sheekh Abuukar Maxamed Xasan, oo caawa shir jaraa’id ku qabtay furimaha dagaalka ee gobolka Shabeellaha Dhexe ayaa shaaciyey in ninkaas lagu dilay duqeyn caawa laga fuliyey deegaanka Ceelbacad oo hoos taga degmada Ruun-nirgood.

Horjoogaha caawa la dilay ayaa hoggaaminayey weerarrada Al-Shabaab ay ka wadaan Shabeellaha Dhexe, wuxuuna markii la beegsaday aagga Ruunnirgood ka waday abaabul weerar.

Sidoo kale NISA oo war ka soo saartay duqeymaha lagu dilay horjoogahaas ayaa sheegtay in lala dilay in ka badan 20 maleeshiyaad ah, sidoo kalena lagu gubay gaadiid dagaal oo Shabaab lahaa.

Afhayeenka Gaashaandhigga ayaa sheegay in horjoogaha la dilay uu ka hooseeyey Kabakutukade oo ah horjoogaha guud ee Khawaarijta u qaabilsan gobolka Sh/Dhexe.

“Dilka dhagarqabe Yuusuf Dhegnaas oo ka hooseeyey Kabakutukade ayaan caawa ugu bishaareynayaa umadda Soomaaliyeed, xitaa waxay isku dayeen inay dhaawaciisa badbaadiyaan oo gaari ayaa lagula cararay dhinaca Galcad, balse mar kale ayaa la duqeeyey, waana la dhameystiray,” ayuu yiri Afhayeenka Wasaaradda Gaashaandhigga XFS.

Afhayeenka ayaa sidoo kale sheegay in howlgalkaan aad loo qorsheeyey isla markaana la doonayo in maalmaha soo socda lagu soo afjaro khatarta kooxda Al-Shabaab ee ka jirta qeybo kamid ah Sh/Dhexe.

“Waxaan idinkugu bishaareynayaa in cadowga jab xoog leh uu gaaray, waxaa bilowday howlgal loogu magac daray ‘Dhameystirka Eeyaha Naarta’ maalmo kooban ayaan shacabkeena uga dul-qaadi doonaa dhagarta cadowgaan,” ayuu yiri Afhayeenka Wasaaradda Gaashaandhigga Sheekh Abuukar oo caawa shir jaraa’id qabtay.

Hoos ka daawo muuqaalka

The post Daawo: DF oo caawa dishay ku xigeenkii Kabo-kutukade – Maxaa ka dhacay Sh/Dhexe? appeared first on Caasimada Online.

Share this post


Link to post
Share on other sites
Sign in to follow this