Trump oo qorshaynaya inuu meesha ka saaro cunaqabateynadii uu Mareykanku horay u saaray Ruushka

[Deeq A.]

Maamulka Trump ayaa qorshaynaya inuu meesha ka saaro cunaqabateynadii uu Mareykanku horay u saaray dalka Ruushka sida laga soo xigtay saraakiil ka ag dhow aqalka cad.

Shabakadda Bloomberg oosoo xigatay ilo xog ogaal ah ayaa sheegtay in la-taliyayaasha madaxweynaha Mareykanka Donald Trump ay dejinayaan qorsheyaal lagu qaadayo ama wax looga beddelayo cunaqabateynta Ruushka saaran haddii ay nabad ka dhalato Ukraine, iyagoo intaa ku daray in tallaabadan suurtagalka ahi ay keeni karto khilaaf saameyn kara xiriirka ka dhexeeya Washington iyo xulafadeeda London iyo Brussels.

Maamulka Trump ayaa aad ugu dhow dhinaca Ruushka markii la barbar dhigo hoggaamiyaashii ka horreeyay, waxaana labada dal u socda wada-xaajood ku aaddan soo afjaridda dagaalka Ukraine oo sanadkii 4-aad socda.

Source: goobjoog.com