Diyaaradaha dagaalka Itoobiya oo duqeymo ka fuliyay gobolka shabeellada dhexe

[Deeq A.]

Diyaarado dagaal oo ay leedahay Itoobiya ayaa duqeymo ka dhan ah kooxda Al-Shabaab ka fuliyay deegaanno ka tirsan gobolka shabeellada dhexe ee dowlad goboleedka Hirshabeelle sida ay sheegtay warbaahinta dalkaasi.

Duqeymahan oo aan khasaaraha ka dhashay la shaacin ayaa noqanaya kuwii ugu horreeyay ee ay Itoobiya fuliso muddo sanado ah, lamana oga in dowladda Soomaaliya codsatay iyo in kale.

Duqeymahani waxay ku soo beegmayaan xilli dowladda Soomaaliya ay dadaal ugu jirto sidii Ciidanka Itoobiya goballada Gedo, Baay, iyo Bakool looga soo wareejin lahaa, loona keeni lahaa deegaannada Hirshabelle.

Source: goobjoog.com