Xukuumadda Puntland oo bulshada uga digtay in aysan ka hordhicin baaritaannada kiisaska ku saabsan Argagixisada

[Deeq A.]

Wasaaradda Warfaafinta Puntland oo warsaxaafadeed soo saartay ayaa si adag uga digtay bulshada reer Puntland in aysan ka hordhicin natiijada baaritaannada socda, isla markaana ay ka fogaadaan faafinta warar aan la xaqiijin oo la xiriira kiisaska Argagixisada. 

“Waxaan faraynaa Bulshada Sharafta badan ee reer Puntland in aysan ka hordhicin natiijada baaritaanada socda, isla markaana ay ka fogaadaan faafinta warar aan la xaqiijin oo la xiriira kiisaska Argagixisada” ayaa lagu yiri warsaxaafadeedka ka soo baxay wasaaradda Warfaafinta dowladda Puntland.

“Eedeysanayaasha la qabto waxay wajihi doonaan sharciga, waxaana loo gudbin doonaa maxkamadaha awoodda u leh si ay uga jawaabaan eedeymaha loo haysto. Waxaa muhiim ah in la ilaaliyo habraacyada sharciga iyo cadaaladda inta uu socdo baaritaanka iyo maxkamadeyta” ayuu sii raaciyay Warsaxaafadeedka wasaaradda.

Dowladda Puntland waxay sidoo kale uga mahadcelisay shacabka Puntland taageerada joogtada ah ee ay la garab taagan yihiin ciidamada amniga, waxaana ay ugu baaqday in ay sii laba-jibbaaraan wada shaqeynta iyo feejignaanta, si loo xaqiijiyo ammaanka guud.

Halkaan ka akhriso Warsaxaafadeedka

PUNTLAND POST

The post Xukuumadda Puntland oo bulshada uga digtay in aysan ka hordhicin baaritaannada kiisaska ku saabsan Argagixisada appeared first on Puntland Post.