Dowladda Imaaradka oo in ka badan 80 gaadiidka dagaalka ah ugu deeqday ciidamada Puntland

[Deeq A.]

Markab siday in ka badan 80 gaadiidka dagaalka ah oo ay dowladda Imaaraadka Carabta ugu deeqday Puntland ayaa dhawaan yimid dekedda magaalada Boosaaso.

Gaadiidkani oo xalay laga soo saaray dekedda Boosaaso ayay dowladda Imaaraatiga Carbeed ku taageertay ciidamada Puntland oo dagaal adag kula jira dagaallamayaasha ajaanibta u badan ee Argagixisada ISIL sida ay sheegayaan ilo wareedyo amni.

Dowladda Imaaraadka (UAE) oo kamid ah saaxiibada Puntland ayaa si weyn u garab istaagtay dagaalka Argagixisada ISIL looga sifaynayo buuraha Calmiskaad ee gobolka Bari waxaana diyaaradaha dagaalka UAE si joogtaa duqeymo uga fuliyaan goobaha la rumaysan yahay in ay weli ku dhuumanayaan firxadka kooxdaasi.

PUNTLAND POST

The post Dowladda Imaaradka oo in ka badan 80 gaadiidka dagaalka ah ugu deeqday ciidamada Puntland appeared first on Puntland Post.