WAR DEG-DEG AH: Bisha Barakeysan ee Ramadan 1446 oo laga arkay Sacuudiga

[Deeq A.]

Sida ay xaqiijiyeen mas’uuliyiinta Sacuudiga, bisha Ramadan 1446 Hijri ayaa caawa la arkay, taasoo ka dhigan in berri oo ah Sabti, 1-da Maarso 2025, ay tahay maalinta koowaad ee soonka.

Dhammaan Muslimiinta dunida oo dhan, gaar ahaan kuwa ku nool Sacuudiga iyo waddamada la jaarka ah ee raaca go’aanka aragga bisha, waxaa la faray inay bilaabaan soonka bisha Ramadan maalinta Sabtida.

Bisha Ramadan waa mid kamid ah bilaha ugu fadliga badan Islaamka, waana xilli lagu dadaalo cibaadada, ducada, sadaqada, iyo dhowaanshaha Ilaahay. Waa waqti ay Muslimiintu isku xoojiyaan caqiidadooda, qoysaskooda iyo bulshada guud ahaan.

Dhammaan Muslimiinta waxaan leenahay Ramadan Mubarak! Ilaahay ha naga aqbalo cibaadadeena, soonkeena, iyo ducadeena.

Source: goobjoog.com