Muhiimadda heshiisyada ay wada-galeen dowladaha Soomaaliya iyo Libya

[Deeq A.]

Madaxweynaha Jamhuuriyadda Federaalka Soomaaliya Mudane Xasan Shiikh Maxamuud iyo wefdi uu hoggaaminayo ayaa booqashadii ugu horreysay ee madaxweyne Soomaaliyeed ku tagey dalka Libya tan iyo markii xilka laga tuuray hoggaamiyihii hore ee dalkaas korneyl Mucamar Al-Qadaafi.

Madaxweynaha ayaa hoggaamiyaasha dalkaas kala hadlay arrimo dhowr ah oo ay kamid yihiin xoojinta xiriirka, iskaashiga labada dal, iyo dib u soo celinta tahriibeyaasha Soomaaliyeed ee halkaas ku dhibaataysan.

Madaxda Soomaaliya iyo Libya ayaa kala saxiixday heshiisyo badan, balse arrinta tahriibeyaasha ayaa muhiimad weyn u leh dhinaca Soomaalida, maadaama dhallinyaro badani ay dalkaas ku xayiranyihiin.

Heshiiska labada dal ayaa la filayaa inuu kaalin weyn ka qaadan doono wax ka qabashada dhibaatada ay magafayaasha Libya u geystaan dhallinyarada Soomaaliyeed, taas oo kamid ah culaysyada ugu waaweyn ee ay dadweynaha Soomaaliyeed la daalaadhacayeen tobanaankii sanoo la soo dhaafay.

Source: goobjoog.com