Ciidamada difaaca Puntland oo maanta kooxda Daacish ka saaray degaannada Qurac iyo Damdamle

[Deeq A.]

Ciidamada difaaca dowladda Puntland oo maanta hawlgal ka sameeyay buuraha Calmiskaad ayaa gebi ahaanba Argagixisada ISIS ka saaray degaannada Qurac iyo Damdamle oo dhaca togga Jeceel.

Qoraal kooban oo ka soo baxay Taliska Ciidamada difaaca Puntland ayuu ku xaqiijiyay in Ciidamadu gacanta ku dhigeen degaannada Qurac iyo Damdamle kaddib markii ay jebiyeen dagaallamayaasha Argagixisada Daacish oo halkaasi ku lahaa saldhigyo ciidan.

Taliska Ciidamada Puntland gaar ahaanna Hawlgalka Cirib-tirka Argagixisada oo ka warbixiyay hawlgalkaasi ayaa sidoo kale soo bandhigay meydadka ajaanib ka tirsan dagaallamayaasha ISIS oo lagu dilay hawlgalkii maanta ka dhacay degaannada Qurac iyo Damdamle.

Ilo wareedyo amni ayaa sidoo kale sheegaya in ciidamada difaaca Puntland kaabiga ku hayaan godadkii u danbeeyay ee Argagixisada Daacish kaga go’doonsan yihiin degaannada dhaca togga Jeceel halkaasi oo ay awoodooda isugu geeyeen.

PUNTLAND POST

The post Ciidamada difaaca Puntland oo maanta kooxda Daacish ka saaray degaannada Qurac iyo Damdamle appeared first on Puntland Post.