Dowladaha Carabta oo guul Taariikhi ah u arka in guddoomiyaha Midowga Afrika iyo ku xigeenkiisuba ay ka soo jeedaan dalalka Jaamacadda Carabta

[Deeq A.]

Dalalka Carabta ayaa si weyn u soo dhoweeyay in markii ugu horresay guddoomiyaha Midowga Afrika iyo Ku xigeenkiisuba ay noqdeen laba qof oo ka soo jeeda dowladaha jamacadda Carabta.

Wasiirka arrimaha dibadda Jabuuti Maxamuud Cali Yuusuf, ayaa dhowaan loo dhaariyay xilka guddoomiyaha ururka Midowga Afrika, ka dib doorasho uu kaga guulaystay ra’iisul wasaarihii hore ee Kenya Raila odinga.

Sidoo kale ku xigeenkiisa oo loo doortay danire Selma Haddadi oo an Safiirka Aljeeriya u fadhisa dalka Itoobiya, taas uu noqanaysa haweeneydii ugu horreysay ee Carbeed oo xilkaas qabata taniyo markii la aas-aasay ururka Midowga Afrika sanadkii 1963-dii.

Arrintan ayaa guul Taariikhiya u ah dalalka Carabta ee ku jira Midowga Afrika, waana markii ugu horraysay ee labadaas xil ay isku mar qabtaan.

Source: goobjoog.com