Maxkamadda Gobolka Banaadir oo u yeertay hanti dhowraha guud ee qaranka

[Deeq A.]

Maxkamadda Gobolka Banaadir ayaa soo saartay amar maxkamadeed oo ka dhan ah Axmed Ciise Guutaale, Hanti-dhowraha Guud ee Qaranka, iyada oo ku eedeysay inuu hor-istaagay fulinta go’aammo maxkamadeed.

Sida ku cad qoraal rasmi ah oo ay maxkamaddu dirtay, Axmed Ciise Guutaale ayaa lagu eedeeyay inuu sameeyay faragelin sharci-darro ah oo saameyn ku yeelatay go’aamada maxkamadaha.

Waxaa lagu wargeliyay inuu hortago Maxkamadda Gobolka Banaadir maalinta Axadda, 16-ka Febraayo 2025, saacadda 10:00 subaxnimo, si wax looga weydiiyo eedaha loo soo jeediyay.

Guddoomiyaha Maxkamadda Gobolka Banaadir, Saalax Cali Maxamuud, ayaa faray dhammaan hay’adaha ay khuseyso in amarkan la dhaqan geliyo, islamarkaana la hubiyo in Axmed Ciise Guutaale uu hortago maxkamadda waqtiga loogu qabtay.

Waxaa xoogeystay maalmihii lasoo dhaafay khilaafka u dhexeeya qaar ka mid ah hay,addaha dowladda Soomaaliya ka dib markii xafiiska hanti dhowrka uu bilaabay baaritaano.

Source: goobjoog.com