Ciidamada Puntland oo shaaciyay in ay Argagixisada Daacish ka saareen Saldhigii Warisoor ee buuraha Calmiskaad

[Deeq A.]

Ciidamada difaaca difaaca Puntland oo qoraal kooban soo saaray ayaa shaaciyay in ay Argagixisada Daacish ka qabsadeen Saldhigii Warisoor oo u dhaw degaanka Turmasaale.

Qoraal kooban oo ka soo baxay Hawlgalka Ciribtirka Kooxaha Argagixisada ah ee Puntland ayaa lagu xaqiijiyay in mileeshiyaadka Daacish laga saaray Saldhigii Warisoor ee nawaaxiga Turmasaale oo ka tirsan buuraha Calmiskaad ee gobolka Bari.

“Ciidanku waxay la wareegeen Taliskii Argagixisada Daacish ku laheyd deegaanka Warisoor, aaga Turmasaale ee Calmiskaad” ayaa lagu yiri qoraalka uu soo saaray Hawlgalka La-dagaallanka Argagixisada ee dowladda Puntland.

Ciidamada difaaca Puntland ayaa sidoo kale maalin ka hor Argagixisada Daacish ka qabsaday Taliskii weynaa ee degaanka Turmasaale kaasi oo la rumaysan yahay in uu sannadihii danbe xarun u ahaa hoggaamiyaha kooxdaasi Cabdiqaadir Muumin.

PUNTLAND POST

The post Ciidamada Puntland oo shaaciyay in ay Argagixisada Daacish ka saareen Saldhigii Warisoor ee buuraha Calmiskaad appeared first on Puntland Post.