Madaxweyne Cirro oo safarkiisii ugu horeeyay ugu baxay dalka Imaaraadka oo uu…..

[Deeq A.]

Hargeysa,(Qaran news)-Madaxweynaha Somaliland mudane Cabdiraxmaan Maxamed Cabdillaahi Cirro ayaa saaka ka dhoofay madaarka magaalada Hargeysa isaga oo u kicitimay dalka Imaaraadka Carabta oo uu marti qaad rasmi ah ka helay.

Madaxweyne ayaa diyaarad khaas ah oo laga leeyahay dalka Imaaraadka ka raacay Cigaal International Airport ee caasimadda Somaliland.

Waa socdaalkii u horeeyay ee uu madaxwe Cabdiraxmaan Cirro ugu baxo dalka dibadiisa tan iyo intii uu xilka madaxwenanimada uu qabtay.

Dawladda Imaaraadka ayaa soo dhawayn balaadhan ugu diyaar garawday dalkeeda soo dhawaynta madaxweynaha Somaliland waxana uu salaan ka qaadan doonaa ciidamada dalkaasi oo ugu diyaar ah madaarka uu ka degaayo.

Madaxweyne Cirro ayaa haysta martiqaadka dhowr dal oo kale oo lagu wado iyagana in uu booqan doono ka dib marka uu dalka ku soo laabto

Qaran News