Calmiskaad: Ciidamada Puntland oo ku guulaystay in ay soo ridaan diyaarado yar yar qaraxyo xambaarsan

[Deeq A.]

Ciidamada difaaca Puntland ayaa saaka ku guulaystay in ay soo ridaan laba drone oo qaraxyo xambaarsan, kuwaasi oo kooxda Argagixisada ah ee Daacish isku dayday in ay u adeegsato ciidamada.

Hawlgalka La-dagaallanka Argagixisada ee Ciidamada difaaca Puntland ayaa sheegay in ay ku guulaysteen soo ridista laba drone oo qaraxyo xambaarsan, kuwaasi oo kooxda Argagixisada ah ee Daacish isku dayday in ay u adeegsato ciidamada.

Taliska Ciidamada Daraawiishta Puntland ayaa sidoo kale tilmaamay in tirada drones-ka ay soo rideen 24-saac ee u danbeeyay ay aad hoos ugu dhacday taasi oo muujinaysa in si weyn loo wiiqay awoodda kooxaha Argagixisada ah ee Daacish oo ciidamadu dagaal xooggan kula jiraan.

“Ciidanku waxay hada soo rideen 2 drone oo ay Argagixisadu isku dayday in ay isticmaasho Buuraha –  Turmasaale. Tirada Droneska ay soo dirijireen 24kii saac ayaa hoos u dhacday taasi oo muujinaysa Awoodoodu in ay laciiftay” ayaa lagu yiri Warka Taliska Ciidamada Puntland.

PUNTLAND POST

The post Calmiskaad: Ciidamada Puntland oo ku guulaystay in ay soo ridaan diyaarado yar yar qaraxyo xambaarsan appeared first on Puntland Post.