Ciidamada Puntland oo Argagixisada Daacish ka saaray degaanka Turmasaale ee gobolka Bari

[Deeq A.]

Ciidamada difaaca dowladda Puntland ayaa maanta si buuxda ula wareegay degaanka Turmasaale oo difaac adag u ahayd mileeshiyaadka Daacish, sida uu shaaciyay Hawlgalka Ciribtirka kooxaha Argagixisada ee Puntland.

Af-hayeenka Hawlgalka La-dagaallanka Argagixisada ee Ciidamada Daraawiishta dowladda Puntland S/Guuto Maxamuud Maxamed Axmed ayaa Warbaahinta u xaqiijiyay in Kooxaha Daacish si buuxda looga saaray degaanka Turmasaale ee buuraha Calmiskaad, halkaasi oo u ahayd difaac adag.

S/Guuto Maxamuud Maxamed Axmed ayaa sidoo kale sheegay in ugu yaraan 13 xubnood Argagixisads Daacish looga dilay dagaalkii maanta ka dhacay degaanka Turmasaale, waxaana uu intaasi raaciyay in uu weli socdo Hawlgalkii Saaka ka bilowday aaggaasi, balse faahfaahin kama bixin khasaaraha dhinaca ciidamada difaaca Puntland.

“Dagaalkii maanta Argagixisada 13-baan uga dilnay anaga dhankeena laba sarkaal baa midna ku shahiiday midna dhaawac fudud yahay, haddii boqol naga dhimato iyo haddii kun dhintaanba anagu dalkayaga oo lagu soo duulay baan xoraysanayna taas hala ogaado” ayuu yiri Af-hayeenka Hawlgalka La-dagaallanka Argagixisada ee Ciidamada Daraawiishta Puntland S/Guuto Maxamuud Maxamed Axmed.

PUNTLAND POST

The post Ciidamada Puntland oo Argagixisada Daacish ka saaray degaanka Turmasaale ee gobolka Bari appeared first on Puntland Post.