Taliye Fu’aad Xannaano oo ku dhaawacmay qarax ciidamada Puntland lagula beegsaday Calmiskaad

[Deeq A.]

Taliye Fu’aad Xannaano

Wararka ka imaanaya buuraha Calmiskaad ayaa sheegaya in saaka halkaasi qarax miino lagula eegtay ciidamo ka tirsan Daraawiishta Puntland oo buurahaasi ka waday hawlgal ka dhan ah kooxaha Argagixisada ah ee Daacish.

Wararka ayaa sheegaya in qaraxa lala beegsaday Taliye Fu’aad Xannaano iyo ciidamo uu hoggaaminayay oo tan iyo subaxnimadii hore hawlgal ciidan ka waday buuraha Calmiskaad islamarkaana sii baacsanayay mileeshiyaad ka tirsan Daacish oo laga qabsaday saldhig ciidan.

Taliye Fu’aad Xannaano iyo hal askari oo ka tirsan ciidankii la socday ayaa ku dhaawacmay kaddib markii miino la kacday Taliyaha iyo Ciidamadu hoggaaminayay ee hawlgal ka waday buuraha Calmiskaad ee gobolka Bari.

Wararka ayaa intaasi ku daraya in taliyaha iyo ciidanka uu hoggaaminayay socdaal lug ah ku jireen markii uu qaraxa miino la kacay oo aysan wax gaadiid dagaal ah wadan balse dowladdu weli kama hadlin sida wax u dhaceen.

PUNTLAND POST

The post Taliye Fu’aad Xannaano oo ku dhaawacmay qarax ciidamada Puntland lagula beegsaday Calmiskaad appeared first on Puntland Post.