Guddiga Madaxa Banaan ee Doorashooyinka Qaranka oo ku dhawaaqay inay billaabeen diiwaangelinta ururrada siyaasadda

[Deeq A.]

Guddiga madaxa bannaan ee doorashooyinka Qaranka oo shir jaraa’id ku qabtay magaalada Muqdisho ayaa ku dhawaaqay inay billaabeen diiwaangelinta urrrada siyaasadda, ayadoo sheegay in hadda diiwaangashanyihiin ilaa 110 urur, kuwa kalena taniyo bisha March ay haystaan fursad is diiwaangelin.

Guddigu sidoo kale waxay sheegeen inay asteeyeen ilaa 3 boqol (300) oo goobood, kuwaas oo la qorsheeyay inay doorashadu ka dhacdo, ayadoo intaa ku daray inay ku taamayaan inay goobaha codbixinta ilaa 800 boqol oo goobood gaarsiiyaan.

Sida muuqata guddigu waxay astaynta goobaha doorashadu ka dhacayso ku saleeyeen meelaha uu ka jiro hannaanka dowliga ah, sidoo kalena siyaasad ahaan laga oggolyahay inay doorashooyinka qaranku ka dhacaan.

Source: goobjoog.com