Puntland iyo hay’adaha Caalamiga ah oo Shir ka yeeshay xaaladda bini’adantimo ee uu sababay dagaalka Daacish

[Deeq A.]

Dowladda Puntland iyo hay’adaha Caalamiga ah ayaa yeeshay shir ku saabsan Arrimaha bini’adantimo, gaar ahaanna u gurmadka shacabka ku bara-kacay Hawlgalka Ciribtirka Kooxaha Argagixisada ah.

Wasaaradda Gargaarka iyo Maaraynta Musiibooyinka Puntland iyo mas’uuliyiinta hay’adaha Caalamiga ah ee Arrimaha bini’adantinimada ayaa Shirkani kaga arrinsaday sidii gurmad deg deg ah loo gaarsiin lahaa qoysaska ka soo bara-kacay degaannada laga saaray kooxaha mileeshiyaadka Daacish.

Puntland oo dhawaan baaq ka soo saartay xaaladda dadka ku bara-kacay Hawlgalka Ciribtirka Argagixisada ayaa ka dalbatay hay’adaha Caalamiga ah iyo deeq-bixiyaasha in ay gurmad deg deg ah gaarsiiyaan bulshada ka soo hayaamay degaannada laga saaray kooxaha Daacish.

PUNTLAND POST

The post Puntland iyo hay’adaha Caalamiga ah oo Shir ka yeeshay xaaladda bini’adantimo ee uu sababay dagaalka Daacish appeared first on Puntland Post.