Puntland oo sheegtay in ay soo riday diyaaradaha Wax basaasa oo kooxda Daacish ay laheyd

[Deeq A.]

Taliska Howlgalka ciribtirka Daacish ee Puntland ayaa shaaciyay in ciidamadu ay soo rideen 6 diyaaradood Drone ah, 24 saac ee u dambeysay.

Diyaaradahaan ayaa ahaa kuwa wax basaasida ay u adeegsanaayeen Kooxda Daacish si ay ula socdaan dhaqdhaqaaqa ciidanka.

Taliska ayaa sheegay in kooxda ay muuqato mid heysatada qalab ciidan oo kala duwan.

“24-kii saac ee u danbeysay, Ciidanku waxay soo rideen oo burburiyeen 6-Drone oo Argagixisadu isku dayday in ay adeegsato” ayaa lagu yiri war kasoo baxay Puntland.

Ciidanka ayaa sheegay In ay sii wadi doonaan Howlgalka ilaa ay gaarayaan halka ugu dambeysa ee ay ku sugan tahay Kooxda Daacish.

Source: goobjoog.com