Kooxaha Daacish iyo Alshabaab oo kordhiyay adeegsiga diyaaradaha Drone-ta ah

[Deeq A.]

Saacadihii la soo dhaafay ciidamada Puntland ayaa sheegay in ay soo rideen 12 diyaaradaha Drone-ta ah, kuwaas oo isugu jira kuwa wax basaasa iyo kuwa qaraxyada lagu rakibo, waxaana diyaaradahani ay ka qeyb-qaadanayeen dagaalka buuraleyda Calmiskaad ee gobolka Bari ka socda.

Adeegsiga diyaarahan ayaa muujinaysa sida ay halista kooxaha xagjirka ah ee Soomaaliya ka howl-galaahi u sii kordhayso, ayadoo taas ahayd noqanayso mid kamida caqabadaha aan la dhayalsan karin ee xasilloonida gobolka Geeska Afrika ku hor gudban.

Soomaaliya oo tobanaan sano dhibane u ahayd dagaallo sokeeye oo lagu hoobtay, ayaana 20-kii sano ee la soo dhaafay la daalaacaysay la dagaallanka kooxo hubaysan oo fakir diimeed xambaarsan, balse qeyb ka ah ururro caalami ah oo dunidoo dhami halis u aragto.

Source: goobjoog.com