Ciidanka Booliska Soomaaliya oo gacanta ku dhigay gaari walxa qarxa lagu soo raray

[Deeq A.]

Ciidanka Boliiska Soomaaliyeed ayaa gacanta ku dhigay gaari laga soo buuxiyey walxaha qarxa oo la doonayay in lagu beegsado meelo kamid ah Caasimadda Muqdisho.

Walxahan qarxa oo lagu soo farsameeyay sameecadaha cod baahiyaasha ah , ayaa loogu talagalay in si farsameysan baraha Ciidamada lagu dhaafiyo, balse waa ay suura-geli waysay, oo gacanta ayaa lagu dhigey sida lagu sheegay war qoraal ah oo uu soo saaray Taliska Ciidanka Boliiska Soomaaliyeed.

Ciidanka Boliiska qeybtooda Xirfadlayaasha ah ayaa  ku guuleystay burburinta walxaha qarxa ee laga soo buuxiyay gaariga, waxayna farsamadani u muuqanaysaa mid cusub oo qaraxyada lagu soo galinayo magaalada Muqdisho,  ayadoo sameecado loo ekaysiinayo.

Source: goobjoog.com