Ciidamada Puntland oo soo riday 12 diyaarado yar yar ah oo qaraxyo xambaarsan

[Deeq A.]

Taliska Ciidamada difaaca Puntland oo qoraal kooban soo saaray ayaa shaaciyay in ay 24-kii saac ee la soo dhaafay soo rideen 12 diyaaradaha yar yar ee is wada ah, kuwaasi oo ay Argagixisada Daacish isku dayday in ay adeegsato.

War kooban oo ka soo baxay Hawlgalka Ciribtirka Argagixisada ee Ciidamada difaaca Puntland ayaa lagu sheegay in ciidamadu mudda 24 saac gudahood ah ku soo rideen 12 dronesa oo ay Argagixisadu isku dayday in ay u adeegsato ciidamada dagaalka kula jira”Ciidanku 24-kii saac ee u danbeeyay waxay soo rideen 12 Drone oo ay Argagixisadu isku dayday in ay isticmaasho”.

Taliska Ciidamada Daraawiishta Puntland ayaa sidoo kale sheegay in ciidamadu ku guulaysteen fashilinta laba qarax oo kooxaha Daacish u diyaariyeen in ay ku dhibaateeyaan ciidamada iyo dadka degaanka”sidoo kale waxaa la qarxiyey Labo qarax oo Argagixisadu ugu talagashay in ay ku dhibaatayso dadka deegaanka”.

PUNTLAND POST

The post Ciidamada Puntland oo soo riday 12 diyaarado yar yar ah oo qaraxyo xambaarsan appeared first on Puntland Post.