Puntland oo gacanta ku dhigtay raxan diyaarado yar yar ah kuwa qaraxyada loo adeegsado

[Deeq A.]

Ciidanka Puntland ayaa Gacanta ku dhigay ilaa sagaal diyaaradood nooca loo yaqaan Drone-ta oo isugu jira kuwa wax basaasa & kuwo qaraxyada loo adeegsado, oo kooxda Daacish ay adeegsanayeen.

Qabashada Diyaaradahan ayaa suurta gashay ka dib dagaal xooggani uu ciidanka iyo kooxda daacish ku dhex marey gobolka Bari, kaas oo qeyb ka ahaa howl-gallada ay ciidamadu aaggaas ka wadaan.

Puntland ayaa wadda guluf xooggan oo ka dhan ah kooxda Daacish ee ku suggan buuraleyda Calmiskaad ee gobolka Bari, waxaana dagaallo maalmihii la soo dhaafay labada dhinac dhex maray la sheegay in lagu diley xubno badan oo ajaaniib caddaana ah.

Source: goobjoog.com