Ciidamada difaaca Puntland oo saaka hawlgal xooggan ka wada buuraleyda Calmiskaad

[Deeq A.]

Ciidamada difaaca Puntland ayaa saaka hawlgal xooggan oo lagu beegsanayo Argagixisada ka wada jihooyin kala duwan oo kamid ah buuraleyda Calmiskaad ee gobolka Bari.

Hawlgalkani oo subaxnimadii hore ee saaka bilowday ayaa weli ka socda degaanno hoostaga degmada Bilidhidin ee gobolka Bari, waxaana saraakiisha hoggaaminaya sheegayaan in uu dhammaystir u yahay hawlgalkii shalay ciidamadu ku qabsadeen xarumihii Daacish ee ku yaalley aaggaasi.

Dhinaca kale, Qoraal xalay ka soo baxay Hawlgalka Ciribtirka Argagixisada ee Puntland ayaa lagu sheegay in ciidamadu soo rideen 9 diyaaradood oo dronesa xambaara qaraxyada, kuwaasi oo kooxaha Daacish ku soo weerareen ciidamada dowladda.

Hawlgalka Ciribtirka Argagixisada ee Puntland ayaa intaasi raaciyay in isku dayga kooxda ee adeegsiga droneska qaraxyada xambaara uu ciidanku fashiliyay”Ciidanku waxay soo rideen 9- drone oo Argagixisadu isku dayday in ay isticmaasho, God ah talis weyn oo Argagixsadu gashay, ayaa hada Ciidanku duqeynayaan.”

PUNTLAND POST

The post Ciidamada difaaca Puntland oo saaka hawlgal xooggan ka wada buuraleyda Calmiskaad appeared first on Puntland Post.