Ciidamada Puntland oo burburiyay Keydkii Raashinka iyo Xaruntii Caafimaadka kooxaha Daacish

[Deeq A.]

Ciidamada difaaca Puntland oo hawlgal qorshaysan ka sameeyay buuraleyda Calmiskaad ayaa ku guulaystay in ay burburiyaan Keydkii guud ee Raashinka iyo Xaruntii Caafimaadka Kooxaha Daacish.

Saraakiisha hoggaaminaya Hawlgalka Ciribtirka Kooxaha Argagixisada ah ee Puntland ayaa sheegay in Ciidamadu ku guulaysteen burburinta Keydkii guud ee Raashinka iyo Xaruntii Caafimaadka kooxaha Argagixidada ah ee Daacish.

Saraakiisha Ciidamada ayaa sheegay in sidoo kale gacanta lagu dhigay Taliskii guud ee Tababarada mileeshiyaadka Daacish islamarkaana Hawlgalkaasi lagu dilay xubno ka tirsan kooxda oo dhammaantood ajaanib ah.

Saraakiisha hoggaaminaya Hawlgalka Ciribtirka kooxaha Argagixisada Puntland ayaa intaasi ku daray in mileeshiyaadka Daacish hadda ku go’doonsan yihiin masaafo kooban oo ay dhinacyada kaga hareeraysan yihiin ciidamada dowladdu si ay guud ahaan u soo afjaraan.

PUNTLAND POST

The post Ciidamada Puntland oo burburiyay Keydkii Raashinka iyo Xaruntii Caafimaadka kooxaha Daacish appeared first on Puntland Post.