Israa’iil oo duqaysay dekedaha iyo xarumaha korontada dalka Yemen

[Deeq A.]

Ciidamada Israa’iil ayaa sheegay in ay duqeeyeen goobo ay Xuutiyiintu ka taliyaan ee dalka Yemen, oo ay ku jiraan xarunta tamarta ee Hezyaz oo ku dhow caasimadda Sanca, iyo dekedaha Xudeyda iyo Raas Isa ee ku yaalla xeebta galbeed.

Ciidamada Israa’iil ayaa war ay soo saareen ku sheegay in ay duqeeyeen goobo ay Xuutiyiinta Yemen maamulaan.

Xuutiyiinta Yemen ayaa dhowr jeer oo hore weeraro diyaarado aan duuliye lahayn iyo gantaalo ah ku qaaday Israa’iil iyagoo taageeraya Falastiiniyiinta Gaza.

Kooxda Xuutiyiinta Yemen ayaa sidoo kale weerar ku qaaday maraakiib ay u arkaan in ay xiriir la leeyihiin Israa’iil oo marayey badda cas.

Source