NISA oo is-beddel weyn laga dareemayo – Maxaa soo kordhay?

[Deeq A.]

Muqdisho (Caasimada Online) – Tan iyo markii loo magaacabay Agaasimaha guud ee Hey’adda Nabadsugida iyo Sirdoonka qaranka, Mudane Cabdullaahi (Sanbalooshe) bishii April ee sanaadkii tagay, waxa uu sameeyey isku shaandhayn ama reform guud ahaan Hay’adda iyo saraakiisheeda.

Agaasimaha kuma degdegin isbedalka Saraakiisha iyo Hay’adda. Guddi Khuburo ah ayuuna u saaray dib u qaabaynta iyo dib usoo celinta haykalka Hay’adda NISA.

Taliye (Sanbalooshe) Agaasimaha Guud ee NISA ayaa xilalalka iyo isbedel saraakiisha sarsare taliska NISA ku sameeyay Faham, xogogaalnimo iyo latashiyo Guddiga Quburada ah ee uu Isbedalka iyo dib u soo celinta Haykalkii hay’adda u xilsaaray, kadibna waxa uu Magacaabay Saraakiil Aqoon iyo karti badan u leh Dardargalinta Howlaha Hay’adda NISA.

Sarkaal kasta oo uu xilka ka qaaday ma uusan dayacin ama xil kale ayuu siiyay ama waxbarasha ayuu u diray isagoo xuquuq leh ahna sarkaal ay Hey’addu maalgashanayso.

Khuburada ka faalooda arrimaha amaanka oo si dhow u la socday dib u habaynta Hay’adda NISA ayaa sheegay in Agaasime (Sanbalooshe) uu ka fogaaday Arrimaha la Xariira Qabiil iyo nin jecleysiga marka uu xilalka kala duwan ee Hay’adda magacaabayay Saraakiisha uu isaga oo ku xushay khibraddooda iyo shaqo wanaag.

Wax kayar mudo sanad ah waxaa dib usoo laabtay dhismihii Hay’adda NISA waxaana muuqata shaqo qaranka waxtar u leh.

Isbedalka Hay’adda NISA wax uu suuragaliyay in caasimadda Muqdisho laga dareemo daganaansho dhanka amniga islamarkaana Ciidamada Hay’adda ee kala duwan ay ka howl galaan Gobalada dalka, Bulshaduna ay ku dhiirato in ay Hay’adda la shaqeyaan.

Dib u habaynta Hay’ada waxa uu si weyn uga muuqdaa Hogaanka arrimaha dibada iyo Saraakiisha safaaradaha ee Hay’adda NISA Waxaana kordhay xiriirada wanaagsan ee hay’adda la leedahay Hay’adaha dhigeeda ah ee Caalamka iyo kan gobolka.

Agaasimaha guud ee Hay’adda NISA Mudane Cabdullaahi Maxamed Cali (Sanbalooshe) ayaa soo dhaweysatay saraakiisha wax galka ah aqoontana u leh Shaqooyinka Amniga iyo Xaaladda Dalka.

W/Q: Jamaal Abdi

AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada admin@caasimada.net Mahadsanid.