Bulshada Rayidka Puntland iyo Galmudug oo baaq nabadeed ka soo saaray colaadda galbeedka Mudug

[Deeq A.]

Ururrada bulshada rayidka ah ee Puntland iyo Galmudug ayaa si wadajir ah baaq nabadeed uga soo saaray colaad beeleedda ka taagan degaannada galbeedka gobolka Mudug.

Baaq nabadeed oo ka kooban 6 qodob, oo ay si wadajir ah u soo saareen ururrada bulshada rayidka ah ee Puntland iyo Galmudug ayay soo jeediyeen in si deg deg ah xabbad-joojin looga hirgeliyo degaannada galbeedka Mudug ee ay ka taagan tahay colaadda labada beelood.

Ururrrada bulshada rayidka Puntland iyo Galmudug, waxay soo dhaweeyeen dadaallada nabadeed ee ay wadaan labada maamul oo kaashanaya odayaasha dhaqanka labada dhinac, waxaana ay ku baaqeen in si deg deg ah loo kala qaado mileeshiyaadka, is horfadhiya si looga baaqsado isku dhacyo danbe.

Waxay sidoo kale ku baaqeen in la dede-jiyo dadaallada nabadeed ee lagu xallinayo dagaal beeleedka soo noq-noqday ee galbeedka gobolka Mudug, islamarkaana odayaasha labada dhinac isaga kaashadaan heshiisiinta beelaha colaaddani u dhexayso.

Halkaan ka akhriso baaqa nabadeed

PUNTLAND POST

The post Bulshada Rayidka Puntland iyo Galmudug oo baaq nabadeed ka soo saaray colaadda galbeedka Mudug appeared first on Puntland Post.