Masar iyo UK oo wada-hadallo ka yeeshay arrimaha Gaza, Syria iyo Sudan

[Deeq A.]

London (Caasimada Online) – Wasiirka arrimaha dibadda Masar Badar Abdelatty iyo La-taliyaha amniga qaranka UK Jonathan Powell ayaa magaalada Qaahira ku yeeshay wada-hadal ku aadan xaaladaha iyo horumarinta Gaza, Suuriya iyo Suudaan.

Kulankii dhinacyadaasi ayaa looga hadlay sidii loo xoojin lahaa xiriirka Masar iyo Ingiriiska, iyadoo halkaasi la isku weydaarsaday aragtiyo ku aaddan arrimaha gobolka iyo caalamka.

Bayaan ay si wadajir ah u soo saareen Masar iyo Ingiriiska ayaa lagu sheegay in ay lagama maarmaan tahay xal u helidda arrimaha cakiran ee ka jira Gaza, Suuriya iyo Suudaan.

Si gaar ah wasiirka arrimaha dibadda Masar Badar Abdelatty oo soo saaray bayaan ayaa sheegay in Masar ay daneyneyso baahida loo qabo xabad-joojin deg-deg ah oo laga sameeyo Gaza iyo in gargaar bini’aadanimo la gaarsiiyo halkaasi.

Dhanka arrinta Suuriya, wasiirka ayaa qiray taageerada Masar ay u heyso Suuriya haddeey ahaan laheyd xasiloonida dalka, ilaalinta hay’adaha qaranka iyo ixtiraamka midnimada iyo wadajirka dhuleed ee dalkaasi.

Bayaanka ayaa ugu dambeyntii ku baaqay qodobo ay kamid yihiin xabbad-joojin deg-deg ah oo laga sameeyo Suudaan.

Sidoo kale waxay xoojiyeen in la dedejiyo gargaarka bani’aadanimo iyo in la taageero hay’adaha dawliga ah ee qaranka.