Ruushka oo qirtay inuu soo riday diyaaraddii Azerbaijan ee dadka badani ku dhinteen

[Deeq A.]

Madaxweynaha Ruushka Vladimir Putin  ayaa qiratay in ciidanka difaaca cirka ee dalkiisu ay si kama’ ah u soo rideen diyaaraddii Azerbaijan ee arbacadii la soo dhaafay ku burburtay hawada dalka Kazakhstan.

Putin oo la hadlay dhiggiisa Asarbayjaan Ilham Aliyev ayaa ka raali galiyay waxa uu ugu yeeray dhacdada naxdin leh ee ku aaddan shilkii dhimashada badnaa ee diyaarada Azerbaijan Airlines, taas oo sababtay dhimashada 38 qof.

Diyaaradda ayaa Arbacadii la soo dhaafay ka soo duushay caasimadda dalka Azerbaijan ee Baku, waxayna ku sii jeeday Grozny, oo ah caasimadda gobolka Ruushka ee Chechnya,  balse markii ay u leexatay dhanka Kazakhstan ayay si lama filaan ah u burburtay xilli ay doonaysay inay halkaa ku degto.

Source: goobjoog.com