Trump oo sheegay inuu soo afjari doono colaada ka aloosan gobolka Bariga Dhexe iyo Ukraine

[Deeq A.]

Madaxweynaha la doortay ee Mareykanka Donald Trump ayaa sheegay inuu isbadel weyn ku samayn doono siyaasadda arrimaha dibedda ee dalkiisa, islamarkaana uu soo afjari doono dagaallada ka socda meelo badan oo caalamka kamid ah.

“waxaana joojin doonaa inaan galno dagaalladii shisheeye ee Maraykanku si qosol leh u gali jirey” ayuu yiri Donald Trump oo ka hadlayay qorshihiisa ku aaddan xasillooni darrada ka jirta dunida oo inteeda badan Mareykanka iyo dalalka kale ee waaweyni saameyn ku leeyihiin.

Wuxuu intaa ku daray inuu joojin doono qalalaasaha gobolka Bariga Dhexe iyo dagaalka Ukraine, sidoo kalena uu ka hortagi doono inuu dillaaco dagaalkii saddexaad ee Adduunka.

Trump oo horraanta sanadka soo socda xilka la wareegaya ayaa la filayaa inuu qaadi doono tillaabooyin degdeg ah oo uu ku wajahayo xiisadaha ka aloosan dunida, arrimaha soo galootida, isbadelka cilimada, iyo heshiisyada caalamiga ah ee dalkiisu dunida kale kula jiro.

Source: goobjoog.com