Dagaal beeleed saaka ka qarxay degmada Xarfo ee gobolka Mudug

[Deeq A.]

Wararka ka imaanaya degmada Xarfo ee gobolka Mudug ayaa sheegaya in saaka halkaasi uu ka socdo dagaal u dhexeeya laba mileeshiya-beeleed.

Goob-joogayaal ku sugan degmada Xarfo ayaa soo sheegaya in ay maqlayaan rasaas xooggan oo ay is weydaarsanayaan labada mileeshiyaad ee ku dagaallamaya magaalada.

Warar hordhac ayaa tilmaamaya in uu jiro khasaare dhimasho iyo dhaawac leh oo kala gaaray labada dhinac inkastoo aan weli faahfaahin sugan laga helin tira-koobka khasaaraha dagaalka.

Sidoo kale ilaa iyo hadda xog dheeri ah lagama hayo waxa sababay dagaalka balse wararka ayaa tibaaxaya in uu salka ku hayo muran dhuleed oo soo noq noqday.

PUNTLAND POST

The post Dagaal beeleed saaka ka qarxay degmada Xarfo ee gobolka Mudug appeared first on Puntland Post.