Dagaal culus oo maalintii labaad ka socda degaan ka tirsan gobolka Faafan ee dowlad degaanka DDS

[Deeq A.]

Dagaal culus ayaa maalintii labaad ka soconaya qaballaha Dacawaley oo ka tirsan degmada Xarshin ee gobolka Faafan ee dowlad degaanka Soomaalida DDS.

Dagaalka ayaa bilowday kaddib markii dabley hubaysan oo ka yimid dhinaca Somaliland ay weerar ku qaadeen ciidamada Liyuu Booliska dowlad degaanka Soomaalida ee ku sugan qaballaha Dacawaley.

Dagaalka labada dhinac ayaa sababay khasaare xooggan oo dhimasho iyo dhaawacba leh islamarkaana dadka waxyeelloobay ayaa la sheegay in ay ku jiraan rayid aan hubaysnayn oo ku sugnaa degaanka lagu dagaallamay inkastoo aan warar madax-bannaan laga heli karin halkaasi.

Wararka ayaa intaasi ku daraya in shaqaaqadani bilaabatay kaddib markii dhawaan dabley hubaysan oo ka soo jeeda Somaliland ay dileen hoggaankii Amniga degmada Yoocaale oo ka tirsan gobolka Jarar ee dowlad degaanka Soomaalida.

PUNTLAND POST

The post Dagaal culus oo maalintii labaad ka socda degaan ka tirsan gobolka Faafan ee dowlad degaanka DDS appeared first on Puntland Post.